Emprego Galicia
Emprego Galicia é a estrutura pública dependente da Consellería de Emprego, Comercio e Emigración da Xunta de Galicia desde a que se organizan e prestan todos os servizos e funcións no ámbito das Políticas Activas de Emprego, dentro do territorio de Galicia.
As Políticas Activas de Emprego son o conxunto de actuacións desenvolvidas no ámbito da orientación laboral, da mellora da capacitación das persoas demandantes e traballadoras mediante a formación e o recoñecemento da experiencia profesional, poñendo a súa disposición actividades que lles axuden a mellorar a súa intermediación laboral, a aumentar as posibilidades de acceder ao emprego ou a adaptar e actualizar os seus coñecementos e habilidades.
- Achegar un servizo público
-
Emprego Galicia presta servizos relacionados co emprego tanto a persoas demandantes coma a persoas ou organizacións ofertantes que buscan cubrir unha vacante en calquera posto de traballo, dende diversas perspectivas.
Dende Emprego Galicia axudámosche:
- Se demandas emprego
- Se xa estás a traballar pero queres mellorar a túa ocupación
- Se aínda non demandas emprego pero queres mellorar a túa cualificación
- Se che piden a inscrición para acceder a prestacións de carácter social
- Se ofertas emprego e buscas persoas traballadoras
Emprego Galicia para as persoas demandantes Emprego Galicia para as empresas
- Próximo e por distintas canles
-
A todos estes servizos se pode acceder de forma presencial, a través:
Da rede de Oficinas de Emprego da Xunta de Galicia
Da Oficina Virtual
Ou das aplicacións para dispositivos móbiles Mobem e EMi
Nesa liña, Emprego Galicia ten asumido un proceso de mellora continua co obxectivo principal de ser de máxima utilidade para o conxunto de poboación (demandante e empregadora) coa que interactúa día a día, achegando un servizo de valor e calidade.
Ese esforzado proceso, tense reflectido durante o ano 2025, segundo os datos extraídos das enquisas de satisfacción realizadas a 21.555 persoas no conxunto das 53 oficinas de Emprego, confirmando a labor de calidade e de servizo público perseguido, tal e como se pode observar a continuación:
- Destas 21.555 persoas que teñen completado a enquisa de satisfacción, 18.105 persoas manifestaron que acudiron a unha oficina de Emprego da Xunta de Galicia nos últimos 12 meses, declarando un 90% delas (un 90,38 %) unha satisfacción de 7 ou máis, dentro dun limiar de entre 1 e 10.
- Do mesmo xeito, desas 18.105 persoas que acudiron a unha oficina de emprego, un 88,30 % (15.986) valoraron as instalacións e a facilidade de acceso a elas de 7 ou máis, dentro do limiar de 1 a 10.
- Outro aspecto a destacar, grazas tamén ao esforzo constante e intenso que se está a promover desde Emprego Galicia, é a valoración que se fai dos servizos que se prestan a través da Internet. Deste xeito, das 21.555 persoas que cubriron a enquisa, 13.816 (un 64,10 %) declararon coñecelos e úsalos, sendo só o 9,62 % (2.073 persoas) a porcentaxe de persoas que non os coñecen, chamando tamén a seguir avanzando na achega de novos e adicionais servizos por estas canles.
- Nesa mesma liña, as 13.816 persoas que teñen manifestado coñecer os servizos que Emprego Galicia presta a través da Internet, 11.405 (un 82,55 %) os valoran entre 7 ou máis, nun limiar de 1 a 10.
- E por último, servindo como colofón a uns resultados que empuxan máis a potenciar a motivación de toda a organización de Emprego Galicia para seguir avanzando como servizo público, resaltar que 17.912 persoas das referidas 21.555 persoas que acudiron a unha oficina nos últimos 12 meses e que responderon á valoración global da súa satisfacción coa experiencia que tiveron con Emprego Galicia, o 84,19 % a puntuaron cun 7 ou máis, nun limiar de entre 1 e 10.
