Para o recoñecemento da condición de carencia de ánimo de lucro e/ou iniciativa social nun centro especial de emprego xa existente deberá achegarse a seguinte documentación:
- Solicitude de recoñecemento ou baixa da condición de carencia de ánimo de lucro e/ou iniciativa social nun centro especial de emprego xa existente
- Certificación literal dos estatutos vixentes da persoa xurídica solicitante expedida polo rexistro onde figure inscrita a entidade, así como das entidades que participen indirectamente, de ser o caso. Os estatutos deberán reflectir como finalidade principal a integración de persoas con discapacidade en CEE.
- Memoria explicativa do destino previsto para os posibles beneficios xerados pola actividade do centro.
- Certificación relativa aos centros de traballo para os que se solicita a cualificación, especificando a súa localización, actividade e relación nominal do cadro de persoal do centro, indicando se se trata de persoas traballadoras con discapacidade.
- Resolucións motivadas do correspondente equipo de valoracion e orientación (EVO) que determine a capacidade da persoa traballadora para desenvolver as funcións do posto que ocupa.
- Informe de traballadores en alta (ITA) no código conta de cotización correspondente.
- Se é o caso, certificación de data actual expedida polo rexistro competente acreditativo da inscrición vixente e copia dos estatutos vixentes depositados nese rexistro, da entidade promotora, que deberá ser titular da maior parte do capital social da sociedade mercantil titular do centro. ( Caso de asociacións, fundacións e outras entidades sen ánimo de lucro, os estatutos vixentes da entidade promotora deben contemplar a irrepartibilidade do su patrimonio, agás a favor de entidades do mesmo carácter).
- Xustificante de pagamento ( exemplar para a administración ) de importe de taxa por servizos administrativos en concepto de modificación da 1ª inscrición en rexistros oficiais (código 300200), agás que o pagamento se realice directamente a través da sede electrónica.
Para a baixa da condición de carencia de ánimo de lucro e/ou iniciativa social nun centro especial de emprego xa existente deberá achegarse a seguinte documentación:
- Solicitude de recoñecemento ou baixa da condición de carencia de ánimo de lucro e/ou iniciativa social nun centro especial de emprego xa existente
- Xustificante de pagamento ( exemplar para a administración ) de importe de taxa por servizos administrativos en concepto de modificación da 1ª inscrición en rexistros oficiais (código 300200), agás que o pagamento se realice directamente a través da sede electrónica.