OBXECTO: solicitar a cualificación como sociedade laboral no Rexistro Administrativo de Sociedades Laborais. Para iso debe achegarse:

A documentación que se relaciona deberá ser presentada nunha oficina de Rexistro presencial, para os efectos da autenticación da copia autorizada da escritura que se achegue por persoal da administración, e posterior devolución á interesada xunto co seu xustificante de presentación.

1. Solicitude.
2. Copia autorizada  da escritura pública de constitución.
3. Copia autorizada  das escrituras públicas de modificación de estatutos, de ser o caso.
4. Certificación literal do Rexistro Mercantil dos asentos vixentes da entidade.
5. Certificacións do acordo da xunta xeral, favorable á cualificación de sociedade laboral, e da titularidade do capital social resultante do libro rexistro de accións nominativas ou de socios correspondentes.
6. Copia autorizada da escritura, pola que se eleve a público o acordo da xunta xeral e as modificacións dos estatutos que fosen precisas para adaptarse á Lei de Sociedades Laborais e participadas.
7. Documentos acreditativos de cotizacións á seguridade social das persoas socias traballadoras e asalariadas.
8. Xustificante de pago da taxa por servizos administrativos.
   • A través da Oficina Virtual Tributaria.
   • Mediante ingreso na entidade colaboradora. Para estes efectos poderá xerar o seu impreso de liquidación a través de http://www.atriga.gal/a-axencia-tributaria-de-galicia/servizos/programas-de-axuda-e-confeccion-online-de-formularios, premendo en "Taxas e prezos", logo da escolla das procedentes claves taxas rexistro SSLL

OBXECTO: solicitar a descualificación da sociedade como laboral no Rexistro Administrativo de Sociedades Laborais. Para iso debe achegarse:

A documentación que se relaciona deberá ser presentada nunha oficina de Rexistro presencial, para os efectos da autenticación da copia autorizada da escritura que se achegue por persoal da administración, e posterior devolución á interesada xunto co seu xustificante de presentación.

1. Solicitude.
2. Copia autorizada da escritura pública de transformación ou disolución da sociedade.
3. Xustificante de pago da taxa por servizos administrativos.
   • A través da Oficina Virtual Tributaria.
   • Mediante ingreso na entidade colaboradora. Para estes efectos poderá xerar o seu impreso de liquidación a través de http://www.atriga.gal/a-axencia-tributaria-de-galicia/servizos/programas-de-axuda-e-confeccion-online-de-formularios, premendo en "Taxas e prezos", logo da escolla das procedentes claves taxas rexistro SSLL.

OBXECTO: comunicar a transmisión de accións ou participacións sociais ao Rexistro Administrativo de Sociedades Laborais.

Para iso debe aportarse:

1. Comunicación, qué poderá presentarse directamente a través da Sede electrónica da Xunta de Galicia, utilizando a denominada Solicitude xenérica ( Clave procedemento PR004A ), e dirixida á Consellería de Emprego e Igualdade, Dirección Xeral de Emprego, Traballo Autónomo e Economía Social.
2. Certificación dos asentos practicados no libro-rexistro de accións nominativas ou no libro de socios.

Prazo para a comunicación:

• con carácter xeral, dentro dos tres primeiros meses do exercicio económico  deberán comunicarse as transmisións realizadas no exercicio inmediatamente anterior
• se se incumpren os límites de posesión previstos legalmente (art. 1.2. a) e b) da Lei 44/2015, do 14 de outubro, de sociedades laborais e participadas), debe comunicarse no prazo dun mes desde que se practicara o asento que o poña de manifesto.
• se se restablecen os límites legais de posesión debe comunicarse  no prazo dun mes desde que se practique o asento polo que se restablezan.