O novo programa de formación Sénior dixital ten como obxectivo poñer en marcha un plan de recualificación profesional que favoreza a incorporación ao mercado laboral das persoas que, pola súa idade, teñen máis dificultades para atopar un posto de traballo.

A primeira convocatoria deste programa, froito do Acordos de Diálogo Social entre a Xunta de Galicia e a Confederación de Empresarios de Galicia (CEG) e os sindicatos CCOO e UGT, conta cun orzamento de 500.000 euros e está orientado á impartición de cursos de formación de 70 horas de duración distribuídas ao longo de tres semanas e cun número máximo de 10 alumnos por edición.

As axudas desta primeira convocatoria están dirixidas a 11 empresas con experiencia no ámbito da formación e favorecerán a un total de 530 persoas desempregadas de longa duración maiores de 45 anos.

Tendo en conta que o manexo das tecnoloxías dixitais é hoxe en día indispensable para acceder ao mercado laboral, o programa Sénior dixital abordará temáticas tales como coñecemento avanzado de ferramentas open office, de xestión documental compartida na nube, de almacenaxe de información ou para o envío de grandes volumes de datos, e de traballo compartido na nube ou en streaming.

Requisitos das persoas participantes na formación

Cada persoa participante no Programa Senior Dixital deberá reunión os seguintes requisitos ao comezo da formación:

• Figurar inscrita como demandante de emprego non ocupada.

• Acreditar un período de inscrición como persoa desempregada de, polo menos, doce meses durante os dezaoito meses anteriores ao inicio da actividade formativa.

• Ter feitos os 45 anos.

• Preferentemente, ter superado con éxito os estudos universitarios ou de formación profesional, media ou superior.

Listaxe de empresas e forma de selección

Se reúnes os anteriores requisitos e tes interese en participar neste programa, aquí dispós da información de contacto das 11 entidades beneficiarias para formalizar a túa inscrición.

Non o dubides! Consulta a data límite de selección de cada entidade:

Infografía informativa

Na seguinte infografía tes toda a información relativa a este programa de formación.

Convocatoria Senior Dixital