Os programas integrados de emprego (PIE) son instrumentos dirixidos á mellora da ocupabilidade e á inserción laboral, durante un período de 12 meses, de 100 persoas demandantes en situación de desemprego no ámbito da Comunidade Autónoma de Galicia.
Para iso, Emprego Galicia concede, cada ano, subvencións destinadas a financiar o desenvolvemento destes programas en colaboración coas entidades locais galegas e con entidades sen ánimo de lucro.
Os Programas Integrados de Emprego ou PIE levan aparellado o compromiso de inserir laboralmente a un mínimo do 35% das persoas demandantes de emprego atendidas durante o desenvolvemento do Programa. A inserción media acadada polos Programas Integrados de Emprego nos últimos anos é dun 40%.
Se tes interese por ver como participar nun Programa Integrado de Emprego ou PIE, achégate á túa oficina de emprego ou ben ponte en contacto cos teléfonos do Servizo de Programas Mixtos da Consellería de Promoción do Emprego e Igualdade: 881 999 629 e 981 545 945.
Tes máis información na páxina web da Consellería neste enlace:
Programas integrados de Emprego
No seguinte enlace, tes o acceso á publicación no Diario Oficial de Galicia da Orde que regula estes programas:
Publicación da Orde do 4 de maio de 2022
|
Os programas integrados de emprego levan aparellado o compromiso de inserir laboralmente a un mínimo do 35% das persoas atendidas durante o desenvolvemento do Programa. A inserción media acadada polos programas integrados de emprego nos últimos anos é dun 40%. |
Aquí tes a relación dos programas integrados de emprego postos en marcha para os anos 2022-2023 ordeados por entidade.
Para facilitar a busca dos datos do teu interese, utiliza a caixa de busca (que busca en todas as columnas o texto que introduzas). Tamén podes ordear as columnas por orde alfabético (da A á Z, pulsando unha vez no título da columna que desexes ordear, ou da Z á A, se pulsas dúas veces no título da columna que desexes ordear).