O obxectivo fundamental desta iniciativa é promover accións de fomento de emprego en colaboración coas entidades locais a través da contratación de persoas traballadoras desempregadas para a realización de obras ou servizos de interese xeral e social, co obxecto de proporcionarlles a experiencia e a práctica profesional necesarias para facilitar a súa inserción laboral.

As persoas traballadoras que se contraten para a realización das obras e servizos e polas cales se outorgue a subvención deberán ser persoas desempregadas inscritas no Servizo Público de Emprego de Galicia como demandantes non ocupadas e estar dispoñibles para o emprego. Estes requisitos deberanse cumprir tanto no momento da selección como no da formalización do contrato de traballo coas cláusulas específicas de contrato para a mellora da ocupabilidade e a inserción laboral.

LISTAXE DE POSTOS DE TRABALLO SUBVENCIONADOS - CONVOCATORIA 2023

Na convocatoria do ano 2023, tense aprobado a relación de postos de traballo propostos polos concellos que resultaron beneficiarios destas axudas, que podes consultar na seguinte táboa.

Para facilitar a busca dos datos do teu interese, a información está ordenada por provincia e concello. Ademais podes utilizar a caixa de busca (que busca en todas as columnas o texto que introduzas). Tamén podes ordenar as columnas por orde alfabético (da A á Z, pulsando unha vez no título da columna que desexes ordenar, ou da Z á A, se pulsas dúas veces no título da columna que desexes ordenar).

CONVOCATORIA 2023

Por último, a continuación disponse do enlace para acceder á publicación da convocatoria para maior información.

Convocatoria accións fomento de emprego