Esta iniciativa promovida pola Xunta de Galicia está dirixida a entidades locais para a contratación temporal de persoas en situación ou risco de exclusión social perceptoras da renda de integración social de Galicia (Risga), co obxecto de proporcionarlles a experiencia e práctica profesional necesarias para facilitar a súa inserción laboral.

As persoas traballadoras que se contraten deberán ser, en todo caso, persoas perceptoras da Risga e estar inscritas no Servizo Público de Emprego de Galicia como persoas demandantes non ocupadas. Estes requisitos deberán cumprirse tanto no momento da selección como no da formalización do contrato. Terán preferencia, en todo caso, as persoas perceptoras da Risga que teñan asignado un proxecto de inserción de carácter laboral, as maiores de 45 anos e as que teñan cargas familiares.

LISTAXE DE POSTOS DE TRABALLO SUBVENCIONADOS - CONVOCATORIA 2024

Na súa convocatoria do ano 2024, tense aprobado a relación de postos de traballo propostos polos concellos que resultaron beneficiarios destas axudas, que podes consultar na seguinte táboa.

Para facilitar a busca dos datos do teu interese, a información está ordenada por provincia e concello. Ademais podes utilizar a caixa de busca (que busca en todas as columnas o texto que introduzas). Tamén podes ordenar as columnas por orde alfabético (da A á Z, pulsando unha vez no título da columna que desexes ordenar, ou da Z á A, se pulsas dúas veces no título da columna que desexes ordenar).

CONVOCATORIA 2024

Por último, a continuación se dispón do enlace para acceder á publicación da convocatoria para maior información.

Acceso á convocatoria 2024