Neste buscador podes consultar as ofertas de formación publicadas e promovidas polo Servizo Público de Emprego de Galicia a través de diferentes convocatorias de axudas, convenios e outros instrumentos de financiamento, de tal xeito que todas as accións formativas que presentamos son totalmente gratuítas.
No detalle de cada acción formativa podes consultar a información máis relevante en relación con: especialidade, contidos, nivel de certificado profesional, data de inicio prevista, horario, modalidade de impartición, localidade, centro de formación e datos de contacto do mesmo.
Tendo en conta que en moitas das convocatorias as entidades que imparten a formación poden optar pola selección directa do alumnado, se tes interese en solicitar unha acción formativa e cumpres os requirimentos, podes:
a. Solicitala a través da oficina virtual, a través do persoal de orientación ou na túa oficina de emprego, no caso de que a selección se realice por sondaxe xestionada polo Servizo Público de Emprego de Galicia e/ou,
b. Poñerte en contacto co centro de formación, no caso de que esta entidade teña optado pola selección directa das persoas participantes.
En calquera caso, podes realizar unha busca máis concreta aplicando os seguintes filtros:
- Provincia
- Concello: É obrigatorio ter seleccionado anteriormente unha provincia.
- Especialidade: Aínda que non teñas seleccionada ningunha provincia ou concello, podes realizar unha busca dos cursos que conteñan no seu título os caracteres que introduzcas no campo de Especialidade. Neste campo podes introducir mayúsculas, minúsculas, números e o seguinte conxunto de caracteres (- . , ( ) ).
- Formación para: Poderás consultar todos os cursos ou filtrar só os cursos para persoas desempregadas ou os cursos para persoas ocupadas (aínda que en moitos deles tamén admiten persoas desempregadas).
Unha vez obtidos os resultados, para acceder a unha información máis completa de cada curso, pulsa sobre el.