Accións que se desenvolven nos programas integrados de emprego

Nos programas integrados de emprego, cuxo obxectivo fundamental é acadar a inserción laboral das persoas participantes neles, desenvolveranse de xeito obrigatorio, as seguintes accións:

1. Información, orientación e asesoramento.

2. Formación transversal en novas tecnoloxías e/ou idiomas.

3. Técnicas de coaching, intelixencia emocional e técnicas de motivación para a busca de emprego, tanto por conta propia como allea.

4. Habilidades sociolaborais e obradoiros de entrevista.

5. Fomento da capacidade emprendedora.

6. Prospección empresarial.

7. Emparellamento de ofertas de traballo coas persoas demandantes de emprego participantes.

8. Formación para o emprego, distinta á prevista na letra b). A formación estará dirixida á obtención de, polo menos, un certificado de profesionalidade.

9. Prácticas profesionais non laborais en empresas en consonancia, preferentemente, co contido teórico práctico das accións formativas.

10. Obradoiros sobre mobilidade laboral.

Requisitos a cumprir polas persoas demandantes

Todas as persoas participantes neste tipo de programas deberán ser persoas en situación de desemprego inscritas Emprego Galicia.

Ademais, existen dous tipos de programas integrados:

- Programas integrados de emprego destinados exclusivamente a mulleres desempregadas.

- Programas integrados de emprego destinados a persoas desempregadas inscritas, en xeral.

Forma de selección

As entidades beneficiarias que participan nos programas integrados deben realizar a selección das persoas demandantes a través da oficina de emprego que lle corresponda segundo a súa localización, tendo preferencia para participar as persoas demandantes que manifesten a súa vontade de recibir estes servizos.

Por iso, se tes interese en participar nalgún dos programas integrados de emprego concedidos, podes acudir á túa oficina de emprego ou contactar directamente coa entidade beneficiaria.

E se tes algunha dúbida podes ampliar información no Servizo de Programas Mixtos da Consellería de Emprego e Igualdade chamando aos seguintes números de teléfono: 881 999 629 e 981 545 945.

Programas integrados de emprego de entidades locais

Programas integrados de emprego de entidades sen ánimo de lucro