Se es demandante de emprego en situación de alta, terás ademais que renovar a túa inscrición como demandante de emprego.
Para isto, con carácter periódico nas datas indicadas no DARDE (con carácter xeral cada 3 meses), debes renovar a túa inscrición como demandante de emprego. Esta renovación permite que desde o SPEG podamos axudarche na túa busca activa de emprego, poñendo á tua disposición os distintos servizos que poden facilitar a túa inserción laboral.
Por último, é preciso tamén aclarar os estados ou situacións nas que pode atoparse unha demanda de emprego:
-
Situación de alta. Nesta situación a demanda de emprego está vixente e poderás recibir calquera dos servizos que xestiona o Servizo Público de Emprego de Galicia e, no seu caso, participar nos procesos de intermediación laboral (acceso a ofertas de emprego).
-
Situación de suspensión. Nesta situación a demanda se mantén vixente e non existe a obriga de renovala mentras se manteña a causa da suspensión (entre outras, incapacidade temporal, maternidade ou paternidade, obrigas familiares, asistencia a cursos de formación para o emprego, ...).
-
Situación de baixa. E nesta situación a demanda de emprego xa non está vixente, polo que perdes automaticamente a condición de persoa demandante. Nesta situación, lembra tamén que poderás recuperar a situación de alta a través da oficina virtual, sempre e cando non pasasen máis de cento oitenta días e a baixa fora por colocación ou manifestación de colocación. Podes consultar os pasos para recuperar a túa demanda neste enlace se este é o teu caso.