Cualificación previa de estatutos sociais

PASOS PARA SOLICITAR A CUALIFICACIÓN PREVIA DE ESTATUTOS SOCIAIS:

 

Solicitarase, gratuíta e voluntariamente, ante o Rexistro de Cooperativas, a cualificación previa dos estatutos sociais, achegando a seguinte documentación que deberá presentarse na Sede Electrónica da Xunta de Galicia a través do procedemento específico TR814A:

 

A) Pódese solicitar a cualificación previa de estatutos sociais para unha constitución achegando a seguinte documentación:

1. Solicitude (TR814A) de cualificación previa de estatutos sociais para constitución dunha cooperativa.
2. Acta da asemblea constituínte da cooperativa.
3. Certificación negativa de denominación da cooperativa ( modelo de solicitude de denominación que se enviará ao "Registro de sociedades cooperativas" do "Ministerio de Empleo y Economía Social"),
4. Exemplar dos estatutos sociais. Se desexa, pode obter un modelo orientativo con anotacións e sen anotacións dende aquí.

B) Pódese solicitar a cualificación previa de estatutos sociais para unha modificación achegando a seguinte documentación:

1. Solicitude (TR814A) de cualificación previa de estatutos sociais para constitución dunha cooperativa.
2. Certificación da acta da asemblea xeral na que se acordou a modificación de estatutos sociais, e no caso de que o acordo só afecte á modificación do domicilio social no mesmo termo municipal, é suficiente co certificado da acta do consello reitor.
3. Certificación negativa de denominación da cooperativa ( modelo de solicitude de denominación que se enviará ao "Registro de sociedades cooperativas" do "Ministerio de Empleo y Economía Social"), que será necesario no caso de que a cualificación previa afecte á modificación do artigo dos estatutos sociais relativo á denominación da cooperativa.
4. Exemplar dos estatutos sociais. Se desexa, pode obter un modelo orientativo con anotacións e sen anotacións dende aquí.

Informar que a cualificación previa do proxecto de estatutos sociais ten carácter de consulta e pode solicitarse polas persoas promotoras facultadas pola asemblea antes de outorgar a escritura pública nos suposto de constitución dunha nova cooperativa. Tamén pode solicitarse polas sociedades cooperativas xa constituídas, ou quen as represente, para a modificación dos estatutos sociais, a fusión ou escisión de cooperativas, así como no caso de transformación doutras sociedades en cooperativas.

 

 

Descargue modelos Normativa