Nota informativa
NOVO - NOTA INFORMATIVA RELATIVA AO DEPÓSITO DE CONTAS ANUAIS. NOVIDADES LEI 18/2021.
A Lei 18/2021, do 27 de decembro, de medidas fiscais e administrativas, publicada no DOG Núm. 251 Venres, 31 de decembro de 2021, modificou no seu artigo 31 a Lei 5/1998, do 18 de decembro, de cooperativas de Galicia nos seguintes termos:
Artigo 31. Modificación da Lei 5/1998, do 18 de decembro, de cooperativas de Galicia
A Lei 5/1998, do 18 de decembro, de cooperativas de Galicia, queda modificada como segue:
Un. Modifícase o apartado 3 do artigo 73, que queda redactado como segue:
«3. O consello reitor presentará, asinados electronicamente, para o seu depósito no rexistro de cooperativas competente, dentro do prazo de dous meses, contados desde a súa aprobación pola asemblea xeral, as contas anuais e o informe de xestión, asinados por quen exerza a presidencia e a secretaría, ou administrador único, e, se procede, o informe do órgano de intervención ou, se for o caso, o informe de auditoría externa, as certificacións acreditativas do acordo de aprobación das contas anuais e da distribución ou imputación dos resultados, así como do número de cooperativistas».
Dous. Modifícase o apartado 4 do artigo 73, que queda redactado como segue:
«4. Con carácter complementario ao depósito dos documentos indicados no número anterior, poderá depositarse no rexistro de cooperativas a memoria social, asinada electronicamente, consonte os modelos aprobados polo Consello Galego de Cooperativas»
Consellería de Emprego, Comercio e Emigración
Secretaría Xeral de Emprego e Relacións Laborais
Edif. Administrativo San Lázaro
15781 SANTIAGO DE COMPOSTELA
Telf: 981 545 540
Fax: 981 957 748
Localizar en Google Maps