Outorgamento de poderes

PASOS PARA SOLICITAR A INSCRICIÓN DO OUTORGAMENTO DE PODERES DE CARACTER REPRESENTATIVO OU DE XESTIÓN/DIRECCIÓN, REFERIDAS AO XIRO E TRÁFICO ORDINARIO DA COOPERATIVA

 

O órgano de administración poderá conferir e revogar apoderamentos xerais ou singulares a calquera persoa física. Quen exerza a Secretaría, coa conformidade da Presidencia emitirá un certificado do acordo adoptado no que constarán as facultades conferidas (modelo A, modelo B e modelo C), a identificación das persoas apoderadas e as circunstancias do exercicio de representación e elevarán a público, outorgando a correspondente escritura pública ante notario necesaria para solicitar a inscrición no Rexistro de Cooperativas.

Despois a representación legal da entidade cooperativa solicitará ante o Rexistro de Cooperativas competente a inscrición do outorgamento de poderes, achegando a documentación que deberá presentarse na Sede Electrónica da Xunta de Galicia a través do procedemento específico TR814C:

1. Solicitude (TR814C) de inscrición do outorgamento de poderes no Rexistro de Cooperativas
2. Copia autorizada da escritura pública ESCANEADA que incluirá a documentación indicada (DEBERÁN ACHEGAR POR MEDIOS FÍSICOS A COPIA AUTORIZADA AO REXISTRO COMPETENTE, de non achegala será requirida).
3. Copia simple da escritura pública anterior ESCANEADA xunto co resto da documentación (DEBERÁN ACHEGAR POR MEDIOS FÍSICOS A COPIA SIMPLE AO REXISTRO COMPETENTE, de non achegala será requirida).
4. Xustificante de presentación do imposto de transmisións patrimoniais e actos xurídicos documentados, de ser o caso.
5. Xustificante do pagamento de taxas por servizos administrativos.

 

 

 

Descargue modelos Normativa

 

 

PASOS PARA SOLICITAR A INSCRICIÓN DO NOMEAMENTO DE CONSELLEIRO OU CONSELLEIRA DELEGADA DA COOPERATIVA

 

O órgano de administración poderá nomear conselleiros ou conselleiras delegadas (persoas físicas de entre os seus membros, por maioría de dous terzos) sempre que os estatutos da cooperativa o recollan.

Quen exerza a Secretaría, coa conformidade da Presidencia emitirá un certificado do acordo adoptado no que constarán as circunstancias da súa adopción, o artigo dos estatutos que o contempla, a identidade das persoas nomeadas, a enumeración das facultades xerais referidas exclusivamente ao xiro e tráfico empresarial ordinario de cooperativa (modelo A, modelo B e modelo C), as circunstancias do seu exercicio e a aceptación do nomeamento e elevarán a público, outorgando a correspondente escritura pública ante notario, necesaria para solicitar a inscrición no Rexistro de Cooperativas.

 

Despois a representación legal da entidade cooperativa solicitará ante o Rexistro de cooperativas competente a inscrición do nomeamento de conselleiros ou conselleiras delegadas, achegando a documentación que deberá presentarse na Sede Electrónica da Xunta de Galicia a través do procedemento específico TR814C:

1. Solicitude (TR814C) de inscrición de nomeamento de conselleiros ou conselleiras delegadas.
2. Copia autorizada da escritura pública ESCANEADA que incluirá a documentación indicada (DEBERÁN ACHEGAR POR MEDIOS FÍSICOS A COPIA AUTORIZADA AO REXISTRO COMPETENTE, de non achegala será requirida).
3. Copia simple da escritura pública anterior ESCANEADA xunto co resto da documentación (DEBERÁN ACHEGAR POR MEDIOS FÍSICOS A COPIA SIMPLE AO REXISTRO COMPETENTE, de non achegala será requirida).
4. Xustificante de presentación do imposto de transmisións patrimoniais e actos xurídicos documentados, de ser o caso.
5. Xustificante do pagamento de taxas por servizos administrativos.

 

 

 

Descargue modelos Normativa